Ադրբեջանական դիվերսիայի հետեւանքով հուլիսի 25-ի լույս 26-ի գիշերը վիրավորված ժամկետային զինծառայող, ագարակցի Գրիգոր Գրիգորյանի վիճակը ծանր կայուն է: Այս մասին NEWS.am-ին ասաց զինվորի հայրը՝ Վարդան Գրիգորյանը:
«Բժիշկների ասելով՝ վիճակը ծանր կայուն է: Մենք տեսել ենք երեխային, գիտակցության է, թույլ է զգում իրեն, իսկ հոգեպես էլ առայժմ նորմալ է: Սպասողական վիճակում ենք»,- ասաց հայրը:
Նրա խոսքով՝ որդուն դեպքի հաջորդ օրն ամիջապես Երեւանի «Մուրացան» հոսպիտալ են տեղափոխել: Նշենք, որ Գրիգոր Գրիգորյանի թոքերը, լյարդն ու սոտծանին էին վնասվել:
Ավելի վաղ NEWS.am-ը հայտնել էր, որ հուլիսի 25-ի լույս 26-ի գիշերը Հայաստանի հյուսիս-արեւելյան սահմաններում եւ Արցախի Հանրապետության շփման գծում մի քանի ուղղություններով հակառակորդի կողմից ձեռնարկված դիվերսիոն-հետախուզական գործողությունները կանխելիս հայկական կողմից մեկ զինծառայող է զոհվել, երկուսը՝ վիրավորվել։