Հայաստանի Հանրապետության պաշտպանության նախարարությունը ՀՀ ԶՈՒ սպաների համար առաջարկում է կրթական տարբեր հնարավորություններ արտերկրում` օտարերկրյա ռազմաուսումնական հաստատություններում, որը ապահովում է բարձր մակարդակի ուսուցում, տեսական և գործնական գիտելիքների հզոր պաշար և փորձի փոխանակման հնարավորություն սպաների համար: Միջազգային կրթության շրջանակներում ուսուցում է առաջարկվում հետևյալ երկրներում`

• Ամերիկայի Միացյալ Նահանգներ` IMET  (միջազգային ռազմական կրթություն և վարժանք) ծրագրի շրջանակներում անգլերենի դասընթաց, որին հետևում է  տարբեր մասնագիտական դասընթացներ,

• Չինաստանի Ժողովրդական Հանրապետության ժողովրդաազատագրական բանակի ռազմական ուսումնական հաստատություններ` շտաբային սպաների տարբեր մասնագիտական և բժշկական  դասընթացներ,

• Գերմանիայի Դաշնային Հանրապետություն` շտաբային սպաների տարբեր մասնագիտական և բժշկական դասընթացներ,

• Հունաստանի Հանրապետության ռազմաուսումնական հաստատություններ` հրամանատարաշտաբային սպաների դասընթացներ,

• Միացյալ Թագավորության Յորքի Ս.Ջոնի համալսարան` ռազմական անգլերենի դասընթացներ,

• Լիտվա` ռազմական անգլերենի դասընթացներ,


• Էստոնիայի Բալթյան պաշտպանական քոլեջ` հրամանատարության և գլխավոր շտաբի դասընթացներ:

Վերոնշյալ ռազմաուսումնական հաստատություններում ուսումնառության մեկնողներն ընտրվում են ՀՀ ՊՆ կադրերի և ռազմական կրթության վարչութան միջազգային ծրագրերով կադրերի պատրաստման և օտար լեզուների ուսուցման բաժանմունքում կազմակերպված անգլերենի դասընթացների լավագույն մասնակիցներից: